"Челси"нинг собиқ ҳужумчиси, ҳозир эса "Рома"да ўйнаётган Тэмми Абрахам Туманли Албионга қайтиши мумкин, деб хабар бермоқда The Sun таблоиди.
Манбанинг хабарига кўра, 25 ёшли футболчининг хизматларига "Эвертон" қизиқиш билдирмоқда. Мерсисайдликлар Абрахамнинг трансфери учун 31 миллион евро тўлашга тайёр. "Рома" бу таклифга қандай муносабат билдиргани ҳозирча номаълум.
Тэмми 2021 йилнинг августидан бери Рим жамоасида ўйнамоқда. Томонлар ўртасидаги меҳнат шартномаси 2026 йил июнь ойи охиригача ҳисобланади.
Абрахам жорий мавсум Италияда 37 та ўйинда майдонга тушиб, 8 та гол урди ва 3 та голли узатмани амалга оширди.