Москванинг "Динамо" клуби собиқ футболчиси Сергей Кирьяков Россия термаси учун ЖЧ-2014 саралаш босқичида Озарбойжонга қарши ўйин Португалияга қарши ўйиндан ҳам қийин бўлишини билдирди.
"Португалия терма жамоасига қарши ўйинда яхши натижа кўрсатилмаган тақдирда ҳам буни кечирса бўлар эди, чунки Европанинг энг яхши жамоаларидан бири билан ўйнадик. Озарбойжонга қарши ўйинда эса иштонимизни булғаб қўйишимиз мумкин. Шунинг учун Португалияга қарши ўйинга қараганда кучлироқ тайёрланишимиз керак. Ҳаммаси Капеллонинг қўлида.
Тўғрисини айтсам, бу жамоанинг ўйинини кўрмадим. Уни қақат натижаларидан хабардорман. Гап бошқа томонда: Агар Озарбойжонга эътибор қаратсак, жаҳон чемпионатида бизга нима бор? Берти Фогтсни (Озарбожон т.ж. бош мураббийи - std-uz)яхши биламан, ҳатто шундай мутахассис ҳам қўл остидаги бор материал билан ҳеч нарса қила олмаяпти.
Россия терма жамоаси ўйинчиларининг савияси анча юқори. Муаммо ўйинчиларимиз бу ўйинни қандай ўтказишларида. Тушунаман, Капелло бу йўналишда барча ишларни бажаради ва керакли чораларни кўради. Умид қиламанки, ҳамма - тажрибали ва ўз ишининг профессоналлари. Улар Португалиядан сўнг Озарбойжонга қарши омадсиз натижа учун ҳеч ким уларни тушунмасликларини яхши биладилар. Бу шунчаки, кулгули бўлади", - дейди Кирьяков "Спорт-Уик-энд"га.
