Ярим ҳимоячи Жуд Беллингем "Реал"га ўтишга яқин турибди. Миш-мишларга кўра, клублар ўртасидаги музокаралар аллақачон якунланган ва тез орада келишув расман эълон қилинади. Айни пайтда Дортмунднинг "Боруссия" клуби "Аякс" ярим ҳимоячиси Эдсон Алварес бўйича музокараларни давом эттиришга тайёр. Бу ҳақда нуфузли инсайдер Фабрицио Романо ижтимоий тармоқларда ёзди.
Қайд этилишича, Альварес "Боруссия"га ўтишга қизиқмоқда. Айни пайтда у расмий таклиф ва клублар ўртасидаги алоқани кутмоқда.
Эдсон Альварес 25 ёшда. Нуфузли transfermarkt портали экспертлари мексикалик ярим ҳимоячини 35 миллион еврога баҳоламоқда.