Украинанинг «Шахтёр» клуби яримҳимоячиси Генрих Мхитарян Лондоннинг «Арсенал» клубига ўтиши борасида ўз фикрини билдириб ўтди.
«Менда бунақа маълумот йўқ. Балки, клублар бу борада қандайдир музокараларни бошлашган бўлиши мумкин. Лекин шахсан менга бу ҳақда бирор-бир киши маълумот бергани йўқ».
«Мен «Шахтёр»да тўп суришни хоҳлайман. Қанча, қачонгача уларга керакли бўлсам, шунча муддат жамоада қолишни хоҳлайман», дея Мхитаряннинг сўзларидан иқтибос келтирмоқда «168hours» нашри.
Эслатиб ўтамиз, олдинроқ «Шахтёр» футболчини Россиянинг «Зенит» клубига ҳам сотишни хоҳламаганди.