Испания чемпионатининг сўнгги турида "Барселона" клуби Виго шаҳрида "Сельта" меҳмони бўлди. Бу сув ва ҳаводек очкога муҳтож бўлган мезбонлар ғалаба қозонишга муваффақ бўлишди.

"Сельта" ярим ҳимоячиси Габриэль Вейга баҳснинг 42-дақиқасида ҳисобни очган бўлса, 65-дақиқада унинг ўзи фарқни иккитага оширди. Ўйин тугашига 11 дақиқа қолганида эса Ансу Фати битта жавоб тўпини киритди.

Шу тариқа, "Сельта" ўз очколарини 43 тага етказди ва Ла лигада қолиш вазифасини уддалади. "Барса" эса мавсумни 88 очко билан якунлади.

Испания чемпионати, 38-тур
Сельта – Барселона 2:1 (1:0, 1:1)
Голлар: 1:0 – 42 Вейга, 2:0 – 65 Вейга, 2:1 – 79 Фати.
Сельта – Вильяр, Мингеса (Васкес, 67), Нуньес, Домингес, Галан, Оскар Родригес, Бельтран, Вейга (Серви, 71), Де Ла Торре (Тапия, 70), Карлес Перес, Сеферович (Аспас, 78).
Барселона – тер Стеген (Пенья, 63), Сержи Роберто, Кристенсен (Гави, 46), Кунде, Алонсо, Эрик Гарсия (Торре, 72), Кессиэ, де Йонг, Рафинья (Дембеле, 63), Ферран Торрес (Фати, 63), Левандовски.
Огоҳлантиришлар: Ферран Торрес (55), Рафинья (62), Серви (81), Тапия (90).