Ўзбекистон ўсмирлар терма жамоаси бош мураббийи Жамолиддин Раҳматуллаев U-17 Осиё Кубогида иштирок этадиган футболчиларнинг якуний рўйхатини эълон қилди.
Маълумот ўрнида, вакилларимиз бугун Осиё Кубоги олдидан сўнгги ўқув-машғулот йиғинларини ўтказиш учун Куала Лумпурга жўнаб кетади. У ерда ўсмирларимиз Малайзияга қарши 2 та ўртоқлик учрашувини ўтказишади.
Эслатиб ўтамиз, Таиланд мезбонлик қиладиган Осиё чемпионатига 15 июнь куни старт берилади. Ўзбекистон U17 терма жамоаси "D" гуруҳида Япония, Ҳиндистон ва Вьетнам билан баҳсларда иштирок этади.
