"Брайтон" ярим ҳимоячиси Алексис Макаллистер мавсум якунидаги ҳолати ҳақида гапирди.
Олдинроқ футболчи "Ливерпуль"га ўтишга яқин экани ҳақида хабарлар тарқалган эди.
“Мен жуда хотиржамман. Менда "Брайтон"да бўлиш имконияти бор, бу клуб мени бугунги даражамга кўтарди. Мен ушбу клубнинг бир қисми бўлишдан завқланаман", - дея Макаллистер сўзларини келтиради The Athletic.
2022/23 йилги мавсумда Макаллистер 40 та ўйин ўтказиб, 12 та гол урди ва 2 та голли узатмани амалга оширди. Аргентина терма жамоаси таркибида ярим ҳимоячи 2022 йилги жаҳон чемпионига айланди.
