Массимилиано Аллегри 2023/24 йилги мавсумда “Ювентус”ни бошқаришда давом этади.
Журналист Жанлука Ди Марционинг хабар беришича, душанба куни туринликлар раҳбарияти 55 ёшли мутахассис билан ҳамкорликни давом эттириш қарорини тасдиқлаган. Бунинг сабабларидан бири иқтисодий хусусиятга эга ва ишдан бўшатилган тақдирда Аллегрининг 2025 йилгача мўлжалланган шартномасида кўзда тутиладиган сезиларли даражада катта товон билан боғлиқ.
Жорий мавсумда туринликлар 10 очкодан маҳрум бўлиб, А Серияда 7-ўринни эгаллади. Улар гуруҳ босқичидаёқ Чемпионлар лигасидан чиқиб кетишган, кейин эса Европа лигасининг ярим финалига чиқишган. Италия Кубогида ҳам улар 1/2 финал босқичида иштирокини якунлаганди.
