Massimiliano Allegri 2023/24 yilgi mavsumda “Yuventus”ni boshqarishda davom etadi.
Jurnalist Janluka Di Marsioning xabar berishicha, dushanba kuni turinliklar rahbariyati 55 yoshli mutaxassis bilan hamkorlikni davom ettirish qarorini tasdiqlagan. Buning sabablaridan biri iqtisodiy xususiyatga ega va ishdan bo‘shatilgan taqdirda Allegrining 2025 yilgacha mo‘ljallangan shartnomasida ko‘zda tutiladigan sezilarli darajada katta tovon bilan bog‘liq.
Joriy mavsumda turinliklar 10 ochkodan mahrum bo‘lib, A Seriyada 7-o‘rinni egalladi. Ular guruh bosqichidayoq Chempionlar ligasidan chiqib ketishgan, keyin esa Yevropa ligasining yarim finaliga chiqishgan. Italiya Kubogida ham ular 1/2 final bosqichida ishtirokini yakunlagandi.
