Дания футбол ассоциацияси миллий терма жамоа бош мураббийи Каспер Юльманн билан янги шартнома имзолаганини маълум қилди.
51 ёшли мутахассис ЖЧ-2026 якунига қадар ҳисобланган шартномага имзо чекди.
Каспер Дания терма жамоасини 2020 йил август ойида қабул қилиб олганди. Ўшандан бери ўтказилган 38 учрашувда жамоа 23 та ғалабага эришган, 3 та дуранг ва 12 та мағлубиятни қабул қилган.
Евро-2020да данияликлар ярим финалга чиқишга муваффақ бўлишди ва у ерда Англияга мағлуб бўлишди.
Июнь ойида Дания терма жамоаси 2024 йилги Европа чемпионатига саралаш доирасида иккита ўйин ўтказади - Шимолий Ирландия ва Словенияга қарши.
