Франциялик ҳужумчи Карим Бензема Саудия Арабистонининг “Ал-Иттиҳод” клуби билан шартнома имзолади, деб хабар беради AFP.
Манбага кўра, келишув 3 йилга мўлжалланган.
Олдинроқ 35 ёшли футболчининг "Ал-Иттиҳод"даги маоши соф йилига 100 миллион еврони ташкил қилиши ҳақида хабар берилганди.
4 июнь куни “Реал Мадрид” Бенземанинг мавсум якунида кетишини эълон қилди. Франциялик ҳужумчи Мадрид клубида 2009 йилдан буён ўйнаб келмоқда.
У жами 648 та ўйинда майдонга тушиб, 354 та гол урди ва 165 та голли узатмани амалга оширди.
