Fransiyalik hujumchi Karim Benzema Saudiya Arabistonining “Al-Ittihod” klubi bilan shartnoma imzoladi, deb xabar beradi AFP.
Manbaga ko‘ra, kelishuv 3 yilga mo‘ljallangan.
Oldinroq 35 yoshli futbolchining "Al-Ittihod"dagi maoshi sof yiliga 100 million yevroni tashkil qilishi haqida xabar berilgandi.
4 iyun kuni “Real Madrid” Benzemaning mavsum yakunida ketishini e’lon qildi. Fransiyalik hujumchi Madrid klubida 2009 yildan buyon o‘ynab kelmoqda.
U jami 648 ta o‘yinda maydonga tushib, 354 ta gol urdi va 165 ta golli uzatmani amalga oshirdi.
