Дарвозабон Жек Батленд “Рейнжерс”нинг янги футболчисига айланди, деб хабар бермоқда Шотландия клуби матбуот хизмати.

"Рейнжерс клуби" Батленд билан расмий шартнома олдидан келишув имзолаганини мамнуният билан эълон қилади. Жек 1 июль куни расман клубга 4 йиллик шартнома асосида қўшилади, бунда халқаро рухсатномалар мавжуд”, - дейилади клуб баёнотида.

Футболчи эркин агент сифатида шартнома имзолади. Бунгача британиялик дарвозабон "Манчестер Юнайтед"да ижара асосида ўйнаган, унга бўлган ҳуқуқлар "Кристал Пэлас'га тегишли эди.

30 ёшли инглиз футболчиси жорий мавсумда бирорта ҳам ўйин ўтказмади. У ўтган мавсумда “Кристал Пэлас” сафида 15 та ўйинда майдонга тушди ва 3 та ўйинда дарвозасини дахлсиз сақлади.