"Ювентус" АҚШ ва "Лилль" ҳужумчиси Тимоти Веага қизиқиш билдирмоқда, дея хабар беради GOAL.
Манбага кўра, француз клуби 23 ёшли футболчини ёзда 10 миллион еврога сотишга тайёр. Қишда Веага "Севилья" қизиқиш билдирганди. Ҳозирда эса "Марсель" ва "Манчестер Юнайтед" ҳам даъвогарлар сафида.
Хабарларга кўра, "Ювентус" америкалик футболчининг кўп қирралилигига қизиқади, у марказий ҳужумчи сифатида, қанотда ёки ҳатто ярим ҳимояда ўйнай олади.
2022/23 йилги мавсумда Веа "Лилль" сафида барча мусобақаларда 32 та ўйинда майдонга тушди ва 2 та голли узатмани амалга оширди. Transfermarkt футболчининг нархини 12 миллион еврога баҳоламоқда.













