Журналист Фабрицио Романонинг хабар беришича, ҳимоячи Жуниор Фирпо ёзда "Лидс"ни тарк этади.
26 ёшли испаниялик футболчи “товуслар” АПЛдан тушиб кетганидан кейин ўзини бошқа жамоада синаб кўрмоқчи. Футболчи хизматига Европанинг бир қатор номи ошкор этилмаган клублари қизиқиш билдирмоқда.
Фирпо 2021 йилнинг июлида "Барселона"дан "Лидс"га ўтганди. Футболчи 2022/23-йилги мавсумда инглизлар сафида 25 та ўйинда майдонга тушиб, 2 та гол урди ва 2 та голли узатмани амалга оширди.
Transfermarkt.com портали ҳимоячининг нархини 12 миллион еврога баҳоламоқда.
