"Манчестер Юнайтед" ёзда таркибни тозалашни режалаштирмоқда.

Машҳур инсайдер Фабрицио Романо ижтимоий тармоқдаги саҳифасида “қизил иблислар” устози Эрик тен Хаг бир қатор футболчиларни келаси мавсум учун режаларига киритмаганини ёзди. Манбага кўра, жамоани дарвозабон Дин Хендерсон, ҳимоячилар Харри Магуайр, Эрик Байи, Алекс Теллес, ярим ҳимоячи Донни ван де Бек ва ҳужумчи Воут Вегхорст тарк этиши мумкин.

Ўтган мавсум якунида “Манчестер Юнайтед” Англия Премьер-лигаси турнир жадвалида учинчи ўринни эгаллаб, Чемпионлар лигаси йўлланмасини қўлга киритди.