"Ювентус" ярим ҳимоячиси Адриен Рабьо Англиядан иккита таклиф олди.
Франциялик футболчининг "Ювентус" билан шартномаси шу ой охирида тугайди. Журналист Мирко ди Наталенинг фикрича, шартномани узайтириш имконияти жуда кам. Ҳозирда Рабьонинг қўлида фақат иккита аниқ таклиф бор - "Манчестер Юнайтед" ва "Ньюкасл"дан. "Қизил иблислар" сафини 28 ёшли футболчи ўтган йили тўлдириши мумкин эди - ўшанда француз клуб билан маош борасида келиша олмади.
Адриен Рабьо якунланган мавсумда Массимилиано Аллегри жамоаси сафида 48 та ўйинда майдонга тушиб, 11 та гол ва 6 та голли узатмани амалга оширди.
