"Челси" ярим ҳимоячиси Матео Ковачич келажаги ҳақидаги саволга жавоб берди.
ОАВнинг кўплаб баёнотларига кўра, хорват "Манчестер Сити"га ўтишга яқин турибди, у билан шартнома шартларини келишиб олинган.
“Ҳақиқатан ҳам ҳалокатли мавсум ортда қолди. "Челси" билан шартномам тугашига бир йил қолди ва ҳаммаси тез орада вазият ўзгаришига ишора қилмоқда. Кўрайликчи.
"Манчестер Сити"? Бу Чемпионлар лигаси финалига муносиб бўлган топ жамоа. Мен кўпроқ гапира олмайман. Олдинда ёзги трансфер ойнаси, ҳамма нарса бўлиши мумкин.
"Челси" мен учун алоҳида клуб бўлиб қолмоқда. Мен шаҳарни ва мухлисларни яхши кўраман, бу ерда ўтказган вақтим ҳақида жуда кўп ажойиб хотиралар бор", - дея 29 ёшли футболчининг сўзларини келтиради City Xtra.
