"Ливерпуль" "Брайтон" ярим ҳимоячиси Алексис Макаллистер билан шартнома имзолаганини эълон қилди.
24 ёшли аргентиналик футболчи жисмоний тиббий кўрикдан ўтган ва узоқ муддатли шартнома имзолаган.
Келишув суммаси ошкор этилмади, бироқ инсайдер Фабрицио Романо бу трансфер 35 миллион фунт стерлингга тушганлигини маълум қилди.
"Туйғу ақл бовар қилмайдиган, орзу ҳақиқатга айланди. Бу ерда эканлигимдан хурсандман ва жамоа билан бирга ишлашни интиқлик билан кутмоқдаман.
Бу мен учун ажойиб йил бўлди – Жаҳон чемпионати, "Брайтон" билан эришган ютуқларимиз – аммо энди "Ливерпуль" ҳақида ўйлаш ва ҳар куни яхшироқ ўйинчи ва яхшироқ инсон бўлишга ҳаракат қилиш вақти келди" - деди Макалисстер.
Макаллистер 2019 йилдан бери "Брайтон"да ўйнаб келаётганди ва 8 миллион еврога сотиб олинганди. Алексис жамоа сафида 112 ўйин ўтказиб, 20 гол ва 9 голга ассистентлик қилган.
