Миланнинг "Интер" клуби ўз дарвозабони Андре Онанани 60 миллион еврога сотишга тайёр. Журналист Мэтт Лоунинг ёзишича, дарвозабон хизматларига Лондоннинг “Челси” клуби қизиқмоқда.
Манбанинг таъкидлашича, "аристократлар" "Интер"га икки йил аввал "Челси" Милан клубидан 113 миллион еврога сотиб олган ҳужумчиси Ромелу Лукакуни таклиф қилиб, нархни пасайтиришга ҳаракат қилишади. Эслатиб ўтамиз, бельгиялик футболчи жорий мавсумни "нерадзуррилар" таркибида ижарада ўтказмоқда.
Онана ўтган ёзда Амстердамнинг "Аякс" клубидан текинга "Интер"га ўтган эди. Андре бу мавсумда Чемпионлар лигасининг "Олтин қўлқоп"ига эга бўлди.