"ПСЖ" бош мураббийи Кристоф Галтье ёзда жамоадан кетиши ҳақида бир неча кундан буён хабарлар тарқалмоқда.
Le Parisen хабарига кўра, "ПСЖ" яқинда Зинедин Зидан билан боғланиб, унга жамоа бош мураббийи лавозимини таклиф қилган. Бироқ 50 ёшли француз яна Париждан келган таклифни рад этди.
Эслатиб ўтамиз, Зинедин Зидан "Реал"ни тарк этганидан кейин икки йилдан бери ишсиз. Ўз вақтида Зидан Франция терма жамоасини бошқаришга фаол қизиқиш билдирган эди, аммо Дидье Дешам ЖЧ-2022дан кейин "уч ранглилар" билан шартномасини узайтирганди.
Аввалроқ, "ПСЖ" Юлиан Нагельсманн билан музокара олиб бораётгани ҳақида хабар берилганди.
