"Реал" бош мураббийи Карло Анчелотти раҳбариятдан "Тоттенхэм" ҳужумчиси Харри Кейнни сотиб олишни сўради. Италиялик мутахассис англиялик футболчини жамоада Карим Бензема ўрнини эгаллашини истамоқда.
Журналист Марио Кортехананинг ёзишича, Мадриднинг “Реал” клуби Анчелоттини, унинг трансфери бўйича келишув қанчалик қийин бўлмасин, Кейнни трансфер қилиш учун қўлидан келганини қилишига ишонтирди. Эслатиб ўтамиз, футболчининг шартномаси тугашига бир йил қолганда "Тоттенхэм" Кейн учун 100 миллион евро талаб қилмоқда.
Олдинроқ Харри Англия Премьер-лигасида қолишни хоҳлаётгани ҳақида хабарлар тарқалган эди. Унинг трансферига "Манчестер Юнайтед" ҳам қизиқмоқда.
