“Брайтон” ярим ҳимоячиси Мойзес Кайседо ҳамон Лондоннинг “Арсенал” клуби қизиқишлари доирасида бўлиб турибди, бу ҳақда London World журналистлари хабар бермоқда.

Манбага маълум бўлишича, "канонирлар" раҳбарияти эквадорлик футболчининг трансфери бўйича таклиф билан чиқишга ҳозирлик кўрмоқда. Лондон клуби Кайседо учун 87 миллион евро таклиф қилмоқчи.

Мойзесга яна бир даъвогар "Челси" бўлиб турибди.

Англия премьер-лигасининг сўнгги мавсумида ярим ҳимоячи 37 та ўйинда майдонга тушиб, гол ва голли узатмани амалга оширди.

Футболчининг "Брайтон" билан тузган меҳнат шартномаси 2027 йилнинг июнигача амал қилади.