“Рома” Европа Лигаси финалида мағлубиятга учраганига қарамай, жамоанинг Жозе Моуриньо бошчилигидаги ўйинидан клуб раҳбарлари мамнун. Todofichajes хабарига кўра, "бўрилар" аллақачон португалиялик мураббий билан янги шартнома борасида музокараларни бошлаб юборишган.
Манбага кўра, "Рома" Моуриньога 2025/2026 йилги мавсум охиригача шартнома таклиф қилади. Амалдаги шартнома "Special One"ни Рим клуби билан 2024 йилнинг ўрталарига қадар боғлайди.
Қайд этилишича, Моуриньо "Рома"да бахтли, шунинг учун келишувга эришиш муаммо бўлмайди.
Эслатиб ўтамиз, аввалроқ миш-мишлар Жозе Моуриньони "ПСЖ" билан боғлаган эди.