"Интер" президенти Стивен Чжан словакиялик ҳимоячи Милан Шкриньярнинг "ПСЖ"га ўтиши ҳақидаги саволларга жавоб беришдан бош тортди.
"Милан ҳар доим менинг севимли футболчиларимдан бири бўлган. Унинг "ПСЖ"га трансфери? Бу саволга фақат Чемпионлар лигаси финалидан сўнг жавоб бераман", - деди "нерадзуррилар" президенти.
Шкриньяр 2017 йилнинг ёзидан бери "Интер"да ўйнамоқда. Томонлар ўртасидаги амалдаги шартнома 2022/2023 йилги мавсум охирида якунига етади.
Италия чемпионатининг сўнгги мавсумида ҳимоячи 21 ўйин ўтказиб, учта сариқ карточка олиб, бир марта майдондан четлатилган.