Каталониянинг "Барселона" клуби тезроқ уч футболчиси билан хайрлашмоқчи. Гап ярим ҳимоячи Френк Кессье ҳамда ҳужумчилар Ферран Торрес ва Ансу Фати ҳақида кетмоқда. Sport нашри хабарига кўра, раҳбарият бу футболчиларни июнь ойида сотишни режалаштирган.

Эслатиб ўтамиз, рўйхатга олинган футболчиларни сотишдан тушган маблағ янги трансферларга йўналтирилиши керак. "Барселона" бош мураббийи Хави Эрнандес аллақачон раҳбариятга ушбу трансфер ойнасида жамоасида кўришни истаган футболчилар рўйхатини юборган.

Эслатиб ўтамиз, аввалроқ Кессье "Барселона"ни тарк этишга рози бўлгани хабар қилинганди, бироқ Фати ва Торрес ҳамон кетишдан бош тортмоқда. Бироқ клуб рўйхатга олинган футболчиларни ҳар қандай нархда сотиш ниятида.