"ПСЖ" ва Бразилия терма жамоаси ҳужумчиси Неймар Европани тарк этиши мумкин. 31 ёшли ҳужумчи фаолиятини Саудия Арабистони чемпионатида давом эттириш имкониятига эга.

Журналист Экрем Конурнинг ёзишича, Лионель Мессини қўлга кирита олмаган "Ал-Ҳилол" жанубий америкалик футболчининг хизматларига қизиқмоқда. Аргентиналик футболчининг трансфери муваффақиятсизликка учрагач, Саудия клуби эътиборини Неймарга қаратди.

Бразилиялик футболчи 2017 йилнинг августидан бери Париж грандида ўйнаб келмоқда. Томонлар ўртасидаги шартнома муддати 2025 йил июнь ойи охирида тугайди. Transfermarkt портали Неймарни 70 миллион еврога баҳолаган.