"Арсенал" ўзининг марказий ҳимоячиси Уильям Салиба билан янги шартнома борасида келишувга эришди. Журналист Давид Орнштейннинг хабарига кўра, янги шартнома 4 йил муддатга имзоланади.
22 ёшли футболчининг "Арсенал" билан амалдаги шартномаси 12 ойга мўлжалланган, аммо янги шартнома уни 2027 йилгача клубда сақлаб қолади. Аввалроқ, франциялик футболчига Англия Премьер-лигасининг бошқа клуби ҳам, бошқа чемпионат жамоалари ҳам, жумладан, "ПСЖ" ҳам қизиқиш билдирганди.
Салибанинг маоши кескин ошади. Раҳбарият футболчи ва унинг агентлари билан жуда узоқ вақт музокара олиб борди, аммо якунда барибир муроса топилди.
