"Наполи"нинг собиқ бош мураббийи Рафаэль Бенитес жамоанинг мураббийлик лавозимига қайтиши мумкинлиги ҳақида фикр билдирди.
Эслатиб ўтамиз, Лучано Спалетти А Сериядаги чемпионликдан сўнг клубни тарк этди ва бош мураббийлик лавозимини бўшаб қолди.
"Мен кутяпман. Ишга қайтиб, яна ғалаба қозонишни хоҳлайман. Бекор ўтириш ниятим йўқ. Бироқ, ҳаммаси менга боғлиқ эмас, чунки янги мураббий борасида мен қарор қабул қилмайман. Вазиятни баҳолашга ва ҳаммасини таҳлил қилишга тайёрман", - деди Бенитес Calciomercato билан суҳбатда.
Эслатиб ўтамиз, Винченцо Италиано ва Луис Энрике каби мутахассисларга ҳам "Наполи" қизиқиш билдирмоқда.
