"Лестер"ни тарк этган ярим ҳимоячи Юри Тилеманс тез орада "Астон Вилла"га ўтади.
The Athletic нашри хабарига кўра, клуб аллақачон 26 ёшли бельгиялик футболчини эркин агент сифатида ўз сафига қўшиб олишга рози бўлган.
Ярим ҳимоячи тиббий кўрикдан ўтади ва барча ҳужжатларга имзо чекади.
Тилемансга "Рома" ва "Милан" ҳам даъвогарлик қилганди.
Юри 2019 йилдан бери "Лестер"да ўйнаб келаётганди, ўшанда у "Монако"дан 45 миллион еврога сотиб олинган.
Бу вақт ичида футболчи 195 та учрашувда 28 та гол урди ва 26 та голли узатмани амалга оширди.