"Lester"ni tark etgan yarim himoyachi Yuri Tilemans tez orada "Aston Villa"ga o‘tadi.

The Athletic nashri xabariga ko‘ra, klub allaqachon 26 yoshli belgiyalik futbolchini erkin agent sifatida o‘z safiga qo‘shib olishga rozi bo‘lgan.

Yarim himoyachi tibbiy ko‘rikdan o‘tadi va barcha hujjatlarga imzo chekadi.

Tilemansga "Roma" va "Milan" ham da’vogarlik qilgandi.

Yuri 2019 yildan beri "Lester"da o‘ynab kelayotgandi, o‘shanda u "Monako"dan 45 million yevroga sotib olingan.

Bu vaqt ichida futbolchi 195 ta uchrashuvda 28 ta gol urdi va 26 ta golli uzatmani amalga oshirdi.