"Манчестер Сити" ярим ҳимоячиси Родри Эрнандес Чемпионлар лигаси финалида "Интер"га қарши ўйинда йилнинг энг яхши футболчиси деб топилди. “Шаҳарликлар” 1:0 ҳисобидаги минимал ғалабани тантана қилишди ва испаниялик ягона гол муаллифи бўлди.
Кечаги ғалаба эвазига инглиз клуби мавсумни требл билан якунлади. Хосеп Гвардиола шогирдлари Чемпионлар лигасидан ташқари Англия Премьер-лигаси ва мамлакат кубогини ҳам қўлга киритишди.
Родри "Манчестер Сити"да 2019 йилнинг июлидан бери тўп тепади. Томонлар ўртасидаги меҳнат шартномаси муддати 2027 йилнинг ўрталаригача ҳисобланади. 26 ёшли испанияликнинг трансфер нархи 80 миллион еврога баҳоланмоқда.
