Мауро Икарди "ПСЖ"дан Саудия Арабистони клубига ўтиши мумкин.
Ўтган мавсумни 5-ўринда якунлаган “Ат-Таавун” 30 ёшли аргентиналик футболчига оғзаки таклиф билан чиқишни режалаштирмоқда. Битим ҳали дастлабки босқичда.
Аввалроқ парижликлар Маурони сотишга тайёрлиги маълум бўлганди.
Икарди ўтган мавсумни "Галатасарой"да ижара асосида ўтказди. Туркия чемпионатида 24 та ўйинда 22 та гол урди ва тўпурарлар рўйхатида 3-ўринни эгаллади.