"Байер" бош мураббийи Хаби Алонсо "ПСЖ"га ишга ўтишни истамаяпти. Париж жамоаси испаниялик мутахассисни бўш қолган бош мураббий лавозимига тайинламоқчи, бироқ Алонсонинг ўзи "Байер"да ривожланишда давом этиш ниятида, дея хабар бермоқда Relevo нашри.

Алонсо бир йилдан сўнг "Реал"да Карло Анчелотти ўрнини боса олишини ўйлаган. Эслатиб ўтамиз, Хаби "Қироллик клуби"да аввал 2009-2015 йилларда футболчи сифатида ўйнаган.

Алонсо ўтган мавсумда "Байер"га Европа лигасининг ярим финалига чиқишга ёрдам берди, шунингдек, Бундеслигада олтинчи ўринни эгаллади.