"Челси" марказий ҳимоячиси Калиду Кулибали фаолиятини Саудия Арабистонида давом эттириши мумкин. Get French Football News хабарига кўра, сенегаллик марказий ҳимоячига номи ошкор этилмаган маҳаллий жамоа қизиқиш билдирмоқда.
Эслатиб ўтамиз, аввалроқ Кулибалига А Сериянинг кўплаб клублари қизиқиш билдираётган эди. Бироқ, Калидунинг маоши туфайли Италияга қайтиши даргумон. Ҳозирда Кулибали ҳафтасига тахминан 340 минг евро маош олувчи "Челси"нинг энг кўп маош олувчи футболчиларидан бири ҳисобланади. Саудия Арабистонида сенегаллик камида шунча пул топиши мумкин.
Кулибали ўтган мавсумда "Челси" учун Премьер-лигада 23 ўйинда иккита гол урди.