"Chelsi" markaziy himoyachisi Kalidu Kulibali faoliyatini Saudiya Arabistonida davom ettirishi mumkin. Get French Football News xabariga ko‘ra, senegallik markaziy himoyachiga nomi oshkor etilmagan mahalliy jamoa qiziqish bildirmoqda.
Eslatib o‘tamiz, avvalroq Kulibaliga A Seriyaning ko‘plab klublari qiziqish bildirayotgan edi. Biroq, Kaliduning maoshi tufayli Italiyaga qaytishi dargumon. Hozirda Kulibali haftasiga taxminan 340 ming yevro maosh oluvchi "Chelsi"ning eng ko‘p maosh oluvchi futbolchilaridan biri hisoblanadi. Saudiya Arabistonida senegallik kamida shuncha pul topishi mumkin.
Kulibali o‘tgan mavsumda "Chelsi" uchun Premyer-ligada 23 o‘yinda ikkita gol urdi.