Матбуотда "Манчестер Сити" бош мураббийи Хосеп Гвардиоланинг келажаги ҳақида маълумотлар пайдо бўлди. The Guardian хабарига кўра, испаниялик мутахассис икки йилдан сўнг клубни тарк этишни режалаштирган. Айнан ўшанда, 2025 йилнинг ёзида унинг "шаҳарликлар" билан амалдаги шартномаси тугайди.

Манбанинг қайд этишича, Гвардиола аввалроқ Италияда ишлаш ҳақида ўйлаган. Бу ҳолатда у Европанинг энг яхши тўртта лигасида ҳам мураббийлик қилган мутахассисга айланарди. Аммо энди унинг фикри ўзгарди. Хосепнинг вариантларидан бири - "Манчестер Сити"дан кейин қайсидир терма жамоага мураббийлик қилиш.

Эслатиб ўтамиз, Гвардиола бошчилигида "Манчестер Сити" 2022/2023 йилги мавсумда требл қайд этган эди.