"Реал Мадрид" клуби янги ҳимоячиси Фран Гарсия январь ойида Германия Бундеслига жамоасига ўтишга яқин келганлигини тан олди.
Эслатиб ўтамиз, якунда "Қироллик клуби" сотиб олиш вариантидан унумли фойдаланиб, "Райо Вальекано"дан ўз тарбияланувчисини қайтариб олди.
"Менга Бундеслига клубидан жиддий қизиқиш бўлди, аммо "Реал" сотиб олиш функциясини фаоллаштирди ва мени қайтариб олди. Бундан хурсандман", - деди Гарсия ўз тақдимотида.
Январь ойида Бундеслигадан энг кўп қизиқиш билдирган клуб "Байер" бўлди, унинг бош мураббийи Хаби Алонсо Гарсияни ўз жамоасида кўрмоқчи эди.
Эслатиб ўтамиз, ўтган мавсумда Фран Испания чемпионатида иккита гол урди ва учта голли узатмани амалга оширди.
