"Real Madrid" klubi yangi himoyachisi Fran Garsiya yanvar oyida Germaniya Bundesliga jamoasiga o‘tishga yaqin kelganligini tan oldi.

Eslatib o‘tamiz, yakunda "Qirollik klubi" sotib olish variantidan unumli foydalanib, "Rayo Valyekano"dan o‘z tarbiyalanuvchisini qaytarib oldi.

"Menga Bundesliga klubidan jiddiy qiziqish bo‘ldi, ammo "Real" sotib olish funksiyasini faollashtirdi va meni qaytarib oldi. Bundan xursandman", - dedi Garsiya o‘z taqdimotida.

Yanvar oyida Bundesligadan eng ko‘p qiziqish bildirgan klub "Bayer" bo‘ldi, uning bosh murabbiyi Xabi Alonso Garsiyani o‘z jamoasida ko‘rmoqchi edi.

Eslatib o‘tamiz, o‘tgan mavsumda Fran Ispaniya chempionatida ikkita gol urdi va uchta golli uzatmani amalga oshirdi.