Қатарга қарши ўйинда сариқ карточка олган Жасур Ҳасанов Эрон билан бўладиган кейинги ўйинни ўтказиб юборади. Боиси, у Ливан билан ўйиннинг 80-дақиқасида огоҳлантириш олганди.

Бугунги ўйинда эса у огоҳлантиришни йўқ жойдан олдин. Биринчи бўлимга қўшиб берилган компенсация вақтида қатарликлар жарима зарбасини тепиш имконини қўлга киритди. Жасурнинг бир ўзи эса жонли деворни ҳосил қилди. Халфан Иброҳимнинг зарбасидан кейин тўп Ҳасановга тегди. Хитойлик ҳакам эса ярим ҳимоячимизни тўп тепилишидан аввал ўз жойини ўзгартирган деб ҳисоблади ва унга сариқ карточка кўрсатди.

Шунингдек, Анзур Исмоилов ҳам бугун огоҳлантириш олди. У Жанубий Кореяга қарши ўйинда ҳам сариқ карточка олганди. Демак, у ҳам Эронга қарши ўйинда майдонга туша олмайди.