Франция терма жамоаси ҳужумчиси Маркус Тюрамнинг келажаги ноаниқлигича қолмоқда. Амалдаги шартнома 25 ёшли франциялик футболчини Мёнхенгладбахнинг "Боруссия"си билан июнь ойи охиригача боғлайди. Тюрам янада амбицияли клубга ўтишни истамоқда.
Душанба куни La Gazette Dello Sport нашри "Интер"нинг Тюрамга бўлган қизиқиши ҳақида хабар берди. Эҳтимол, ёзги трансфер бозорида франциялик футболчи учун “Интер” ва “Милан” кураш олиб боришар.
2022/2023 йилги мавсумда Маркус Тюрам 32 та расмий ўйинда 16 та гол урди ва 7 та голли узатмани амалга оширди.