"Реал Мадрид" президенти Флорентино Перес сўнгги 3 йил давомида "Райо Вальекано"да тўп тепган ҳимоячи Фран Гарсиянинг жамоага қайтиши ҳақида фикр билдирди.
Эслатиб ўтамиз, чап қанот ҳимоячиси ўзининг трансфери тафсилотлари бўйича январь ойида келишиб олган, бироқ мавсум охиригача "Райо Вальекано"да қолганди.
“Биз стратегик режамиз доирасида ўйинчиларни қўлга киритиш орқали дунёнинг энг яхши жамоасини қурмоқчимиз. Бугун биз биринчи футболчи билан шартнома имзоладик. Фран Гарсия уйга қайтди”, - деди Перес футболчининг тақдимотида.
23 ёшли Гарсия Ла Лиганинг сўнгги мавсумида иккита гол ва учта голли узатмани амалга оширди.
