"Манчестер Сити" ярим ҳимоячиси Кевин Де Брюйненинг тикланиш даври маълум бўлди.
31 ёшли бельгиялик Чемпионлар лигаси финалида "Интер"га қарши ўйинда жароҳат олди - ярим ҳимоячи икки ойдан бери уни безовта қилаётган сон пайини шикастлаб олган.
Де Брюйне энди келаси мавсум бошланишини ўтказиб юбориши мумкин, дея хабар беради The Independent. У аниқ Бельгия терма жамоасига Евро-2024 саралаш ўйинларида ёрдам бермайди.
Жорий мавсумда Кевин 49 ўйин ўтказиб, 10 гол ва 31 голга ассистентлик қилган.