Бугун Европанинг бир қатор стадионларида яна икки йилдан сўнг Бразилияда бўлиб ўтадиган жаҳон чемпионатига йўлланма олиш илинжисидаги терма жамоалар навбатдаги тур учрашувларини ўтказишди.

«С» гуруҳининг марказий учрашуви ҳақиқий шоуга айланиб кетди. Гуруҳда яққол етакчиикни қўлга олиб келаётган Германия терма жамоаси Берлин Швецияни қабул қилиб 56-дақиқанинг ўзидаёқ 4:0 ҳисобида олдинга чиқиб олганди. Бироқ қолган дақиқаларда воқеалар рифожи шу қадар ўзгариб кетдики, Ибраҳимович ва КО ярим соат муддат ичида нафақат ҳисобни қисқартириш, балки тенглаштиришни ҳам уддасидан чиқа олишди.

Гуруҳнинг қолган икки учрашувида Ирландия ва Австрия термалари аутсайдерлар устидан йирик ҳисобда ғалаба қозонишди.

ЖЧ-2014. САРАЛАШ БОСҚИЧИ. ЕВРОПА
С ГУРУҲИ

ФАРЕР ор. – ИРЛАНДИЯ 1:4 (0:1)
Голлар:  Хансен (68) – Уилсон (45), Уолтерс (52), Юстинуссен (73, автогол), О′Ди (87).

ГЕРМАНИЯ – ШВЕЦИЯ 4:4 (3:0)
Голлар: Клозе (8, 15), Мертесакер (39), Ўзил (56) – Ибраҳимович (62), Люстиг (64), Элмандер (76), Эльм (90+3).
Германия: Нойер, Ж. Боатенг, Бадштубер, Мертесакер, Лам, Швайнштайгер, Озил, Кроос, Мюллер (Гетце, 67), Ройс (Подольски, 88), Клозе.
Швеция: Исакссон, Ольссон, Люстиг, Гранквист, Сафари, Эльм, Вернблум (Чельстрем, 46), Хульмен (Качаниклич, 46), Ларссон (Сана, 78), Элмандер, Ибраҳимович.

АВСТРИЯ – ҚОЗОҒИСТОН 4:0 (1:0)
Голлар: Янко (23, 64), Алаба (71), Гарник (90+3).