"Бавария" ярим ҳимоячиси Жамол Мусиала футболдаги авлодлар алмашинуви ҳақида ўз фикрлари билан ўртоқлашди.

Йил бошида Криштиану Роналду Саудиянинг "Ан-Наср" клуби билан шартнома имзолади ва июнь ойида Лионель Месси эркин агент сифатида "ПСЖ"дан Американинг "Интер Майами" клубига ўтди.

"Менимча, буни бутун бир даврнинг ўтиши деб аташ мумкин, энди эса янги авлод даври келди. Узоқ йўлни босиб ўтган икки буюк футболчи Европа футболини тарк этди, бу эса бошқалар учун янги имкониятлар очади", — деди дунёнинг энг иқтидорли ёш футболчиларидан бири саналадиган 20 ёшли Мусиала Sport Bild нашрига берган интервьюсида.