"Барселона" ва Бразилия терма жамоасининг собиқ футболчиси Дани Алвес ўзига қўйилган зўрлаш айбловлари ҳақида гапирди.
"Нима бўлганини ва нима бўлмаганини фақат икки киши билади. Мен ҳақиқатни айтяпман. Менинг айбсизлигим исботланади. Бу консенцуал муносабатлар эди, эълон қилинганидек, кимнидир жинсий алоқага кўндириш хаёлимга ҳам келмаган", - деди Алвес Itatiaia билан суҳбатда.
Эслатиб ўтамиз, "Барселона"нинг собиқ футболчиси бир қизни зўрлаганликда гумонланиб январь ойидан бери ҳибсда сақланмоқда. Унга 12 йилгача қамоқ жазоси берилиши мумкин. Шу ой бошида суд Дани Алвес адвокатларининг бразилиялик собиқ футболчини ҳибсдан озод қилиш ҳақидаги иккинчи мурожаатини рад этди.
