Журналист Флориан Плеттенбергнинг хабар беришича, "Аякс" Дортмунднинг "Боруссия" клубидан ярим ҳимоячи Эдсон Альварес бўйича расмий таклиф олмаган.
Манбанинг хабарига кўра, жамоалар ўртасида 25 ёшли мексикалик футболчининг трансфери борасида келишувга эришилмаган. Футболчининг ўзи фаолиятини немис клубида давом эттирмоқчи.
Шунингдек, Альваресга "Вест Хэм" даъвогарлик қилаётгани, футболчини Деклан Райснинг ўрнини босувчи сифатида кўраётгани хабар қилинганди.
Альварес ўтган мавсумда 44 та ўйинда майдонга тушиб, 4 та гол ва 3 та голли узатмани амалга оширди. Transfermarkt портали футболчининг нархини 35 миллион еврога баҳоламоқда.
