Бир неча ҳафта олдин ярим ҳимоячи Гранит Жаканинг "Арсенал"дан "Байер"га ўтиши ҳақида хабарлар чиққан эди. Бироқ, швейцариялик ҳамон Лондон клуби таркибида қолмоқда. Todofichajes хабарига кўра, швейцариялик футболчи "Рома"га ўтишга яқин турибди.
Манбага кўра, "Арсенал" ва "Рома" келишувга эришишга яқин турибди. Жаканинг А Серия клубига трансфер нархи 23 миллион евро бўлиши мумкин, бу римликлар учун жуда катта маблағ.
Қайд этилишича, Жозе Моуриньо Гранитни ўз жамоасида кўришни жуда хоҳлайди. У "Рома" раҳбарларидан 30 ёшли швейцариялик билан шартнома имзолашни сўраган.
