Ханс-Йоахим Вацке "Реал"га Жуде Беллингем трансфери бўйича ҳалол музокаралар учун миннатдорчилик билдирди.

"Реал Мадрид" чоршанба куни Беллингем билан шартнома имзолаганини расман эълон қилди. 19 ёшли ярим ҳимоячи билан 6 йиллик шартнома имзоланган. Бундан бир ҳафта олдин Дортмунднинг "Боруссия" клуби бу трансфер "Реал"га 103 миллион еврога тушгани, яна 31 миллион евро бонуслар тўлангани ҳақида хабар берган эди.

"Биз Жудга "Боруссия Дортмунд" сафида иштиёқ билан уч йил ўйнагани учун миннатдормиз. Биз бирга ажойиб вақт ўтказдик.

Шунингдек, биз доимо ҳалол ва конструктив музокаралар олиб борган “Реал Мадрид”га миннатдорчилик билдирамиз” - деди “Боруссия Дортмунд” бош директори.