"Манчестер Юнайтед" энди Харри Кейнни сотиб олишга уринмайди.
The Guardian нашри хабарига кўра, "манкунианликлар" ёзда ҳужумчи билан шартнома имзолаш ғоясидан воз кечишган.
Бош мураббий Эрик тен Хаг бу натижадан ҳафсаласи пир бўлган, чунки уни асосий трансфер мақсади деб ҳисоблаган. Аммо нидерландиялик мураббий шартномаси бир йилдан кейин тугайдиган футболчи учун клуб маълум миқдордан кўпроқ пул тўлай олмаслигини тушунади, "Тоттенхэм" президенти Даниэл Леви эса Кейнни сақлаб қолишдан манфаатдор ва у билан янги шартнома бўйича музокаралар олиб боришга ҳаракат қилмоқда ва шунинг учун ҳам ён бермаяпти.
"Манчестер Юнайтед" 2024 йилнинг ёзида англиялик ҳужумчини текинга сотиб олишга уриниб кўриши мумкинлиги хабар қилинганди.
